E 47 tausaga o se tamaitai ua molia i le fasioti tagata ina ua maua le tinomaliu o se isi foi tamaitai i se fale i le itu i Sasae o Melepone i le aso ananafi.
O se siaki a leoleo na faia i le te’a o le 11 i le taeao ananafi i se fale i Holroyd Court i Blackburn South ma iloa ai loa lea tulaga.
Fai mai le 9News o se tinā e 78 tausaga mai Blackburn South lea na maua ua maliu i totonu o lea fale ma ua ta’ua e iai manu’aga e foliga na tatui e se tasi (tulou).
O lē ua pu’eina e leoleo e mai le faaitu o Ringwood ma ua faailoa e leoleo e masani i la’ua e to’alua o loo aofia i le mataupu.
Ua molia la i le fasioti tagata le isi tamaitai lea ma e tula’i i le faamasinoga i Melepone i le asō.
Puna o Faamatalaga: https://amp.9news.com.au/article/917e9071-0a91-4e6d-b0fa-06527130abee
