Ua iai se alii ua molia i le fasiotia o Stephen Thorpe lata i se kalapu tenisi i Blockhouse Bay i le vaiaso talu ai.
E pei ona lipotia atu e talafou i le taimi ua tuana’i sa faatino lava le suesuega a leoleo ma lo latou talitonuga e iai tagata o loo silafia faamatalaga e tusa o lenei faalavelave.
O le lipoti lata mai la a leoleo i le taeao analeila ua ta’ua ai o le aoauli ananafi na o latou taofia ai se tagata, o se alii ma ua molia i le fasiotia o Stephen.
E 26 tausaga o lē ua molia e mai Blockhouse Bay foi ma e tula’i i le faamasinoga i le asō.
Fai mai leoleo e lē o iai se isi tagata o sailia i le taimi nei i lea faalavelave ae o loo faamae’a pea nisi vaega o le suesuega.
E faafetaia foi e leoleo le tele o le lagolago mai le komiuniti i le faatinoina o le latou galuega.
Puna o Faamatalaga: https://www.1news.co.nz/2024/08/29/man-charged-with-murder-after-fatal-blockhouse-bay-stabbing/
