O suesuega a leoleo i le vevesi na tulai mai i nisi o tupulaga o afioaga o Samata i tai ma Fagafau i Savaii, o lea ua faailoa e le Komesina o leoleo, falepuipui ma le toe fuata’ina e to’a 20 ua molia ai.
O i latou ua molia ua aofia ai taulelea e toavalu ma ni matai se toatolu ma ua tatala uma i tua i ni aiaiga e faatali ai le aso 23 o Iulai e valaau ai o latou moliaga i le Faamasinoga Faaitumalo.
O suesuega foi a leoleo ua molia ai se alii 50 tausaga le matua mai le nuu o Fagafau i le maliu o se isi alii mai le nuu o Samata i tai e pei ona masalomia o se laau malosi na faaaogā e faatino ai le solitulafono.
Ua molia lea tagata i le solitulafono sili ona matuia o le fasioti tagata faamoemoeina ma o le aso 8 o Iulai e tulai ai i le Faamasinoga Maualuga e tali i ona moliaga.
Ua mae’a ona faatino se leleiga i le va o afioaga e lua lea sa faatino ai ma se ifoga.
