E 33 tausaga o se tamaitai ua molia nei e leoleo i le ave taavale ona i le mae’a ai o le feta’ua’ina mai na alu i le taavale ma tamaiti e toatolu o loo iai i totonu ae o loo ova le faasuaava ma agai ai i le highway i le itu i Saute i Sisifo o Sini.
Fai mai poo le tea o le 11 i le taeao ananafi na maua ai e leoleo telefoni e faatatau i se taavale o le ituaiga o le Audi Q5 e faapea o loo soona fealuai i se tulaga matautia i luga o le Princes Highway e lata i Nowra.
Na agai atu leoleo ma faia le suesuega ma maua ai tamaiti e toatolu i totonu o le taavale e aofia ai ma se pepe e tolu masina.
O le itu e faafetai ai leoleo ona e leai se tasi o tamaiti na aafia ma ua molia ai nei lea tamaitai e tatau ona tulai i le faamasinoga i le aso muamua o Novema.
