Ua i le vaaiga nei a leoleo se alii na fetaua’ina na fai tuliga ma leoleo i le faaitu i Sisifo o Sini i se taavale gaoia ae na alu ane foi ma se fana, tuliga na faia i le vaveao analeila.
Fai mai le Alaata 9 na taumafai leoleo e taofi le taavale mo siaki masani i le Hume Highway i Villawood tusa lea o le te’a laitiiti o le 4 i le vaveao analeila peitai e le’i tu ane le taavale ma fai ai loa tuliga ma leoleo.
Ua lipotia na oo tuliga i Henry Lawson Dr i Georges Hall ma soso’a atu ai e le taavale lea se isi taavale sa faapaka ai, maua ai loa e leoleo ma ave i le falema’i i Bankstown mo siaki masani.
Ina ua su’e e leoleo le taavale na maua iai se fana o iai ututau ma fualaau faasāina ua ave e fai ai su’esu’ega.
Ua i le vaaiga a leoleo i le ofisa o leoleo i Bankstown.
Puna o Faamatalaga: https://www.9news.com.au/national/georges-hall-police-pursuit-of-man-with-loaded-handgun-leads-to-arrest-sydney-news/4c31cb28-11a5-4667-b69c-9332bcb134e6
