O loo toe faaauau suesuega i le asō i Matu o Canterbury i le mae’a ona maua ai o le tino maliu i se tasi o faatoaga.
O le taeao ananafi na maua ai le tino maliu i se tasi o nofoaga tutasi, ma e lei faamautinoa mai e leoleo poo se alii poo se tamaitai.
E leai se tala tele mai leoleo ananafi ma le faamatalaga masalo e faatoa faailoa mai i le asō.
Na molimau tuaoi i tala a le Stuff, e faateia i latou i le vaaia o taavale a leoleo o agai atu i le faatoaga na maua ai le tino maliu, ma e leai foi se fale e lata ane i le nofoaga na maua ai.
E po ane ananafi o iai pea leoleo ma o loo faaauau i le asō.
