E to’atolu alii ua molia i le mae’a ona maua o le faitau afe o laau faasāina o le mariuana i le itu i Saute i Sisifo o Sini.
Na faataunuuina e leoleo le poloa’iga mo le sa’ilia o se fale i Ingleburn Road i Leppington i le aso ananafi ma e silia ma le 5 afe laau na maua ai i lea sa’iliga.
Fai mai leoleo na o latou maua faamatalaga e faatatau i le mataupu lea ma faatino ai loa le sa’iliga.
Ua ta’ua i le lipoti le sosola ese o le aualii ia mai le fale na aga’i iai le sa’iliga ae na toe maua i se nofoaga e lata ane ma pu’e ai loa e leoleo.
O le matutua o i latou ia 36, 43 ma le 39 tausaga.
E lē o faatagaina ona tatala i tua ma ua fuafua e tutula’i i le faamasinoga i le asō.
Puna o Faamatalaga: https://www.9news.com.au/national/more-than-5000-cannabis-plants-found-in-sydneys-southwest/4f0fa82a-0a54-4e77-8cb7-237fdc96674a
