O pepa o fa’amaumauga o nisi o Matagaluega a le Malo lea na avatu ai se ripoti i se taimi ua sola, pepa ia na alfoai i le lapisi tele i Tafaigata lea na fesiligia ai le ave loli uapato (escavator)ia Afoa Fetulima Nonu o ia lea sa galue o se ave loli e eliina le nofoaga e tanu ai le tele o lapisi e le’o toe manaomia.
‘ua o’u fiafia lava ua o’u nofo ma la’u glauega, aua o lo’u popolega i mea faapenei e iai foi ona masei”
Ina ua fesiligia pe na fa’amalolo o ia mai lana galuega talu ona ia faailoa pepa ia na tanumia ae tali Afoa “Leai e le’i fa’amaloloa a’u e le ulu o le Matagaluega le afioga ia Salā, ona ua iai so’u manatu ua oo atu le feau a i latou e galulue i lea vaega o le malo e taofi sei fai se matou fono, ona ua faapea mai i latou ua fa’asā na ave i tua le lapisi. Na o’u fai lea iai e leai se tulafono fa’apena a le Malo e faasa ona ave i tua le lapisi, o lae tele tagata lae laga le lapisi ma ave e faaoga mea lelei, ae ona o le vaai a a’u o mea pito sili lea na aoga ua lafoai i le lapisi”
O le vaiaso nei lea na ave se tagi a le Matagaluega o Tiute ma Tupe Maua i Leoleo mo se suesuega ona o nisi o nei fa’amaumauga o ni lapisi puipuia ma e le tatau ona fa’alauiloa fa’alauaiteleina ona o loo iai fa’amaumauga o lafoga totogi faapea suafa o tagata o loo malu puipuia i lalo o le tulafono.
Ua fautuaina ai foi e lea Matagaluega le mamalu o le atunuu ina ia taofia loa le faailoa o ata o nei pepa i luga o le Facebook.
Peitai na taua e le sui faipule a le FAST Olo Fiti Vaai o nei faamaumauga e tatau ona teu malu pea mo le 10 tausaga ona ave lea e tia’i.
