E to’aono tamaitai sa tauva e saili ai se lalelei o Samoa i Vitoria i Ausetalia ma na sola ai le tamaitai o Olivia Grace Unasa Siaosi ma le manumalo. 

O le a avea ai Olivia Grace ma sui o le komiuniti a Samoa i Vitoria i le tauvaga tele o le a faia i le masina o Setema i totonu o Samoa e saili ai se tausala o le atunuu. 

I lipoti a le Samoa Global News na faailoa ai e i latou na faatautaia le faamoemoe le mata’ina o le taumafaiga a tamaitai uma na tauva ma e momoli ai le faafetai i nei alo o le atunuu ma o latou aiga ia latou taumafaiga. 

O le faai’uga o le vaiaso na faia ai lenei sailiga tausaga a Samoa i Vitoria ma o le i’uga lea o a latou taumafaiga. 

O faailoga faapitoa poo special prizes: 

Miss Personality: Olivia Grace Unasa Siaosi 

Miss Tourism: Dorothy Tupuivao Ili Maepu 

Miss Photogenic: Olivia Grace Unasa Siaosi 

Miss Internet: Olivia Grace Unasa Siaosi 

Miss ‘Major Sponsor’ Award: Chantelle Treasure Tamasese & Hazel Elizabeth Luisa Fosio 

Global Indigenous Runway Award: Olivia Grace Unasa Siaosi 

Faailoga Autū 

Taleni (Best Talent): Olivia Grace Unasa Siaosi 

Taligafesili (Best Interview): Dorothy Tupuivao Ili Maepu 

Siva Samoa: Loia Lagi Tupa’i Tauaanae Tuafafo 

Faatalofa (Introduction): Olivia Grace Unasa Siaosi. 

I faatulagana faai’u na tulai mai ai le tamaitai o Dorothy Tupuivao Ili Maepu i le tulaga tolu (2^nd runner up), tulaga lua na faamanuiaina ai le tamaitai o Loia Lagi Tupa’i Tauaanae Tuafafo (1^st runner up) ae manumalo ai loa le tamaitai Olivia Grace Unasa Siaosi.