Ua iai le mana’oga o le Palemia o le Atu Kuki, ia faia ni o latou lava tusifolau, e suia mai le faiga o loo latou umia ai nei tusifolau Niu Sila.
O Niu Sila o lea o loo iai le matafaioi e fesoasoani i le Atu Kuki e lē gata o mataupu tau i le va i fafo, o taimi o faalavelave faalenatura ae faapea le puipui o le Atu Kuki ma o loo agavaa foi ona tagatānuu i tusifolau Niu Sila.
Peitai, saunoa le Palemia Mark Brown, ua mana’o o ia e sui ina ia amana’ia ai o latou lava tagatānuu ma na ia ta’ua o ni suiga i totonu lava ia o le Atu Kuki, e lē aafia ai fua faiga faapaaga ma Niu Sila.
Na oo foi le saunoaga a Brown, o lea lava foi e iai isi atunuu o loo mafai ona tauave uma pea tusifolau e lua e ui ua avea ia tagatānuu ma sitiseni Niu Sila.
Faamaonia mai ai e le sooupu o le matagaluega a le va i fafo a Niu Sila, o lea ua oo mai i le malo o Niu Sila le talosaga ma e ui o se mataupu o loo faasolo talanoaga, ae ua tali le sooupu soo se tusifolau fou e faia mo tagatānuu Atu Kuki o le a iai lava aafiaga ma le faiga faapaaga faapitoa o loo iai nei ma e matuā moomia le va’iliili ma le faaeteete.
Puna o Faamatalaga: Cook Islands leader insists new passports won’t affect ties with New Zealand | RNZ News
