Ua manatuaina e ana uo ma aiga si teineitiiti e 15 tausaga le matua, na uma lona ola i se faalavelave tau taavale i le Gold Coast i le faai’uga o le vaiaso, o se tamaitai e aulelei ma atamai.
Ua vaaia i le vaiaso nei le solo atu o faamafanafanaga ma alofa’aga mo le aiga o le teineitiiti o Alyra Whalen ua lipotia na maliu ina ua lavea lana taavale i se autū i le vaveao o le Aso Sa na te’a nei.
O loo tau faamautū e leoleo le mafuaaga ua ia aveina ai le taavale.
O le teineitiiti e a’oga i le Benowa State High ma ua lipotia na ia aveina ane le taavale lea i Helensvale Rd faatasi ma ana uo e to’alua ae lē mafai ai ona ia taofiofia le taavale ina ua sesee ese ma le auala ma tofu ai i se ‘autu.
Na maliu ai lava i lea nofoaga ae o ana pasese e to’alua o se alii e 21 tausaga ma le isi alii e 15 tausaga na faavave atu i le falema’i i le Gold Coast mo togafitiga.
O loo faaauau su’esu’ega.
Puna o Faamatalaga: https://www.9news.com.au/national/alyra-whalen-gold-coast-schoolgirl-killed-car-crash-swamp-tributes/9bd1130b-f640-4667-9472-c7eb5b6c1ca1
