E 29 tausaga o se alii na pu’e e leoleo i le Aso Gafua o le vaiaso nei ma toe tatala i tua ina ua mae’a ona tula’i i le faamasinoga i Ueligitone lea ua molia ai i le faaoolima ma ua toe faatulaga e tula’i i le faamasinoga i le aso 21 o le masina nei ma e ono toe faia iai nisi moliaga.
E pei ona agiga i le lipoti a le televise tasi i le vaiaso nei o se isi alii e 21 tausaga na faaoolima iai se tasi i le ogatotonu o Ueligitone i le vaveao o le Aso Sa na te’a nei ma ave ai i le falema’i, ae faailoa mai e leoleo i le afiafi ananafi ua i’u ina uma lona soifua a o tumutumu ai si ona aiga i le falema’i.
O lē ua maliu o Luke Smith na malaga mai ma nai ona mātua mai Aferika i Saute ma aumau i Upper Hutt i le amataga o le tausaga nei.
O le asō e faia ai le su’esu’ega faafoma’i i le mafuaaga o le maliu ma ua ta’ua i le lipoti o loo iai le fuafuaga a si ona aiga e toe ave i Aferika e faia ai ona toe sauniga.
O loo fia talanoa leoleo i nisi o molimau o le faalavelave lea na tupu i se fale faatali pasi i fafo ane o le fale tuai o le Reading Cinema.
Puna o Faamatalaga: https://www.1news.co.nz/2024/10/08/victim-of-wellington-assault-dies-in-hospital-is-named-by-police/
