Mai Ausetalia, o le aso ua amata aloaia ai le amataina ole polokalame mo tui puipui faaopoopo poo le booster program lea o le a maua ai le avanoa o tagata ua maea ona faia tui puipui e lua ole koviti 19, e faia seisi tui faaopoopo e atili puipuia ai mai le faamai.
O tala mai le ABC ile aso ua taua ai e oo mai ile aso toonai na tea nei ua oo ile 173 afe tui faaopoopo ia ua maea ona faia ma ole tui o le Pfizer lea o loo faaaogaina. O soo se tasi ua atoa le ono masina talu ona maea ona faia tui puipui uma e lua, e mafai ona agavaa amata atu ile aso e faia lea tui faaopopo.
O loo taua o le tui foi o le Moderna leisi o le a aofia ai I le booster program ae o loo faatalia se faatagana faaiu mai le vaega e feagai ma lea tulaga ,le medical regulator. E lei tuuina foi se maliega mai le Theurapeutic Goods Adminisitration poo le TGA a Ausetalia e faia ai ni tui puipui mo tamaiti.
