Ao faagasolo pea faigamalaga I le aso lona lua lenei o le trans tasman bubble, ua faamanino mai e le matagaluega o le soifua maloloina o lea ua faalauiloa lana update I aso taitasi e faatatau I cases ole koviti 19.

E ui e leai ni cases ile komiuniti ilea so ananafi, ae ua faamauina e lua cases I nofoaga faanofoesea ma o I laua uma ia etoalua na taunuu maim ai Initia ao lei faasaina faigamalaga mai lea atunuu I le aso 11 o le masina nei lava.

O leisi malaga na taunuu I fanua I le aso 2 o Aperila ao leisi malaga I le aso 5. I le herald o loo faailoa ai o le a faia nisi galuega I nisi o nofoaga faanofoesea e lua ona ole ea malulu o loo faaaogaina.

Ua unaia foi e le matagaluega le faaaoga o le covid tracer app ile taimi nei ina ua tatala femalgaaiga saoloto I le va o atunuu e lua. Ile taimi nei e 102 cases o loo iai I le atunuu. O loo faagasolo nisi suesuega fou I le pepesi o le faamai I nofoaga faanofoesea I le Grand Millenium ma le Grand Mercure lea na tapunia I nisi tagata fou e agai ane I le vaiaso na tea nei.

O suesuega o loo vaavaai ai I vaega o loo alu ane ai le ea, ventilation ose vaega o loo ono pepesi ai le siama ole faamai lea na aafia ai le aufaigaluega ma tagata malaga mai I le atunuu. O le talosaga e tapunia ia nofoaga sa faia atu mai le matagaluega o le soifua maloloina ma le komiti faufautua o nofoaga faanofoesea le MIQ.