Leai mai le Bunnings i Niu Sila nei latou te faaaogaina le tekonolosi fou lea e faamaonia ai foliga e faaaoga ai cameras.
I Ausetalia o lea ua suesueina nei le faaaoga ai e le Bunnings faapea le faleoloa a le Kmart o lea suiga fou, ma o loo taofia mo se taimi le tumau a o faagasolo suesuega.
O le tala mai le Bunnings i Ausetalia o lea sa vaavaai e faaaoga ina ia iloa ai tagata ua faasa mai le faleoloa.
Ma a o fesiligia ai la e paaga faatau a le Bunnings i Niu Sila nei le ono faataitai i le suiga fou, ua faamaonia mai e le pulega e tauala mai i tala a le leitio a Niu Sila, e le o faaaogaina i faleoloa a le Bunnings i Niu Sila ma e le o iai foi se fuafuaga e faia.
Ae i le Kmart i Niu Sila nei, e leai ni molimau faamaonia na maua e tala fou e iloa ai.
O suesuega o loo faia nei i Ausetalia ua faia ai i le mae’a faasea o se tasi o kulupu o loo tu malosi mo tagata faatau e ala i le faaaogaina o ia meapueata e faamaonia ai foliga.
