Ua faailoa le le fiafia o Tonga I le toe tolopo o le Ipu o le lalolagi I le taaloga lakapi liki peitai ua faailoa e le faiaoga o Kristian Woolf, atonu o le faaiuga sa’o lea.

O le taamilosaga sa fuafua e amata I le faaiuga o Oketopa peitai na tulai mai se gugulu ina ua faailoa e Ausetalia ma Niu Sila I e masina talu ai o le a faamaamulu ese ona o le puipuiga o le soifua manuia o tama taaalo.

Finau foi I latou o loo tuufaatasia lea faamoemoe ua maea ona tapena ma silasila I itu uma tau le puipuiga e tusa ai ma aiaiga ma manaoga foi mai le International rugby league federation. Lea la ua faatulagaai nei e faataunuuina I le tausaga fou 2022.

Faailoa ai la e le faiaoga a Tonga Kristian Woolf sa matuai nofo sauni lana au mo le taamilosaga.

O loo taua I le Newstalk sa iai nisi o faatalanoaga e faatatau I se avanoa e faaopoopo atu ai I le taamilosaga se au a Maoli, Indigenous and Maori team I le Ipu o le lalolagi pe afai e agai ese le Kiwis ma le Kangaroos.

Taua ai foi ma nisi o faamatalagaele o faamaonia I le taimi nei e faapea o tama taaalo mai Tonga o loo taaalo mo Ausetalia ma Niu Sila ole a toe suia mai lo latou naunautaiga ina ia fesoasoani ai ia Tonga pe afai ae faaauau pea le taamilosaga.