E foliga ua faaauau pea le siitia o soifua aafia ma ma’umau i faalavelave i luga o le alatele.

O le taeao analeila na lipotia ai le maliu foi o se tasi tagata na savali ane i le alatele ina ua lavea i se taavale i le itu i Matu o Sini ma afua ai le poloka o le auala i le taimi pisi o le agai atu o le atunuu i galuega ma aoga i le asō.

O le fesoasoani faavavave na valaau ane i le Pacific Highway e lata i Beechworth Rd lea na lavea ai se tamaitai i le fetaulaiga ala lea tusa o le te’a laitiiti o le 6 i le taeao analeila.

O se van o loo lipotia na lavea ai ae talitonuina pe ā ma le 60 tausaga le matua ma na maliu ai lava i lea taimi.

E fai si umi o galuega o loo faia i le faamautuina o lenei faalavelave e leoleo ma le ausuesue ma o le a faatuai ai foi feoaiga i lea faaitu.

Ua lapataia foi le au faitaavale ia alofia lea faaitu ma o loo tapunia lea magaala i itu uma e lua.

O loo faia suesuega i le avetaavale o le van.

Puna o Faamatalaga: https://www.9news.com.au/national/pymble-pedestrian-killed-after-crash-sparking-traffic-chaos-in-sydney/ae5e478b-1db3-491b-ad27-a1c2139415f2