A itiiti mai e 15 tausaga e tatau ona tuli i le falepuipui faato’ā avanoa e talosaga i le palola, le faasalaga o le alii o Frederick Hobson mo le fasiotia o Janak Patel le tagata faigaluega o le dairy i Sandringham ia Novema 2022 sa lipotia atu foi muamua e talafou.
O le Faamasinoga Maualuga i Aukilani na fofogaina ai le mataupu lea i le taeao analeila ma o le faalavelave lea na afua ai ona faatino nisi o solotetee i le atunuu e le aufaipisinisi laiti ma valaau ai mo le faamalosia o puipuiga mo i latou o loo galulue i lea matafaioi ma faamalosia foi ni faasalaga mo le ausolitulafono.
Na ioeina e Hobson lona moliaga o le fasioti tagata ma le gaoi ma e soloatoa i le falepuipui ae tatau ona tuli a itiiti mai e 15 tausaga i le falepuipui faato’ā agavaa i le palola.
O le isi alii na iai foi i le faalavelave lea o Shane Tane e 4 ma le ‘afa tausaga i le falepuipui i moliaga foi o le gaoi.
Puna o Faamatalaga: https://www.1news.co.nz/2024/06/26/man-who-murdered-dairy-worker-janak-patel-jailed-for-at-least-15-years
