E fai si faaletonu o uiga o le tau o loo lipotia mo le vaiaso nei i le itu i Sasae o Ausetalia a o lumanai ai le faamanatuina o le Eseta. 

O le faamatalaga mai le vaaitau ua ta’ua ai pe ā ma le 86mm o timuga ua fuafua e pa’ū i Sini lava ia  mai le Aso Toonai ma le taeao o le Aso Sa ma o le a tele vaega e aafia i timuga.

Fai mai e tau feololo timuga i le ogatotonu o le vaiaso ma le taimi o le Eseta ae o le a iai lava foi suiga e faailoa mai pe afai e iai.

Ua lapataia tagata femalagaa’i ma i latou e iai fuafuaga o le Eseta ia mataitu lea fautuaga ma sauniuni iai mo le malupuipuia i luga o alatetele.