Ua lapatai pisinisi e aua le gaoia tupe a tagata faatau I taimi o loo faia ai tapu
O lea lapataiga ua sau ai I le maea faailoa e le Consumer NZ o le le malolo o le alu atu o faitioga mai tagata Kiwi I le alu I luga o tau o oloa I supamaketi ao iai Niu Sila atoa I laasaga o lapataiga numera 4
Ua faailoa ai e le komisi o pisinisi e ono molia ma faasala tupe pisinisi faapea tagata taitoatasi pe a o latou fafauina ni tau fou faasolitulafono o oloa
Taua ai foi e le komisi ao taumafai pisinisi ia lava oloa taua o loo moomia e le toatele, e le faapea o le a avea lea na mafuaaga o le a faia ai nisi suiga o le tau o oloa faaalatua
O loo unaia ai e le komisi tagata faatau e ripotia atu I le pulega suiga e talitonu e le o sa’o le tau o oloa
