O Vanessa McConville o se sui mai le polokalame a tagata Ausetalia o loo ofofua la latou auaunaga i Samoa, le Australian Volunteers ma o loo amata nei i le ofisa o le faamalu o faalapotopotoga tuma’oti poo le Samoa Umbrella of Non Governmental Orgranization.
I pepa o faamatalaga mai le ofisa a le SUNGO o se fiafiaga tele lea i lenei tamaitai o le a maua le avanoa e fesoasoani ai i auaunaga o loo tuuina atu e lenei ofisa.
O le polokalame lenei o loo faatupeina e le Malo o Ausetalia e ofoina mai ai le tautua a nei tagata mai Ausetalia i atina’e eseese e fetaui ma tomai ma agavaa o nei tagata.
O McConville o lona tomai e agai lea i le puipuia o aiātatau a fanau ma le fā masina o le a galue ai i le SUNGO o le a tele foi sona malamalamaaga i faiga faavae ma tulafono o loo faatinoina ai le tāua o le puipuia o fanau i Samoa nei.
