O minisita mai atumotu e 18 o le Pasefika o loo faia nei le fonotaga i le vaiaso nei e faatalanoa ai le lumanai o tulaga tau femalagaa’i i le mae’a o le faama’i o loo feagai pea nei male lalolagi.
O le Regional Aviation Ministers meeting o le a talimalo ai le malo o le Atu Kuki, o le faamoemoe ina ia faamautuina se faiga e saogalemu ma mautu mo le Pasefika.
Ua faailoa e le RNZ o le a silasila ai le fonotaga i le Aviation Treaty ma isi mataupu e faatatau i le faama’i ma ona aafiaga. Fai mai le minisita o Fela’ua’iga a le Atu Kuki o John Hosking o le toe tatala o tuaoi e sau foi ma ona lu’itau.
O loo vaavaai foi le faigamalo a le Atu Kuki ina ia fesuisuia’i le maketi o femalagaa’iga aemaise talu ona mae’a faailoa mai e le Ea Niu Sila o le a faataatia ese ana faigamalaga tuusa’o mai Los Angeles i Rarotonga. Fai mai le Minisita o le taimi nei e na o le pau le auala e ui ai aga’i i Rarotonga, o le ui atu i Niu Sila.
