Ua saunoa le Minisita o le Soifua Maloloina a Ausetalia, Mark Butler o auaunaga e ta’ua o urgent care clinics ua fai ma faamāmā avega i emergency departments i falema’i ma ua fuafua ai o le a tatalaina le isi 50 o auaunaga faapea.

O ananafi na saunoa ai le Palemia o Ausetalia, Anthony Albanese o le a faaalu e le faigamalo a le Leipa le $644 miliona e tatala ai isi clinics faapea pe afai e toe tula’i mai i latou i le faigapalota o loma nei.

Afai loa ae mae’a ona tatala ofisa ia e 50 o lona uiga o soo se tagata Ausetalia o le a na o le 20 minute e va ai ma ia ituaiga clinics.

Fai mai le Palemia e lelei tele lipoti ua maua atu mai tagata i le faaaogāina o ia clinics e lē gata i gasegase ae faapea foi i foma’i.

Ua faailoa e 14 clinics o le a tatala i NSW, 12 i Vitoria, 10 i Kuiniselani, 6 i Western Australa.

E 3 clinics o le a tatala i South Australia ma Tasmania ma le ta’itasi i le Northern Territory ma le ACT.

O urgent care clinics e mafai ona togafitia vave ai gasegase e mana’omia vave togafitiga e aunoa ma le tau o i le emergency department i falema’i.

Puna o Faamatalaga: https://www.9news.com.au/national/medicare-update-anthony-albanese-promises-50-more-urgent-care-clinics/0fd893ac-5077-425f-b293-94b9044948a3