I se mataupu atonu ua faate’ia ai le toatele i lenei tausaga ua faailoa mai ai taumafaiga a se tasi o tagata iloga sa taalo i le All Blacks lea ua lipotia o ia le isi o loo tauofo nei mo se tasi o franchise fou o le A League i Aukilani.
O ia lea o Ali Williams e pei ona lipotia e le One News, o loo taumafai e faamautu le laisene mo le ‘au fou lea o le a aofia i le taamilosaga a le Trans Tasman e amata ia Oketopa 24.
E talitonu le One News e ono aofia i le peti lea a Williams ma se malaetaalo, waterfront stadium.
Ua faailoa o le isi o loo tauofo i le faamoemoe lea o se alii Amerika, Marc Mitchell e iai foi ana sea i le kalapu a le Breakers le au pasiketipolo.
