E silia ma le 1.8 miliona tagata Niu Sila o loo faaaogaina le WhatsApp ua fesiligia le malupuipuia. 

I lipoti a le Cybernews e tusa ma le 1 piliona o faamaumauga a tagata o loo faaaogaina le WhatsApp na taumafai e faatau ese atu ma o faamaumauga uma nei o le masina lenei o Novema.

E le o iai se faamaoniga o nei faamaumauga na liki i tua ona o faiga faasolitulafono a le au gaoi peitai e foliga mai o lea na ao ao faalelei mai le WhatsApp.

I le sau o lenei tala ua faailoa mai ai e le CERT New Zealand e tauala mai i se pepa o faamatalaga, o lea ua oo atu lipoti ma o loo iloilo nei lenei mataupu ma e talitonu e leai se aafiaga tele i tagata Niu Sila pe a fua i faamaumauga ua alu i tua e ono alu na o numera o telefoni.

Soo se tasi e maua se feau tusitusia ae o loo masalomia e mai le au taufaavalea, o loo fautuaina le lafo o le feau tusitusia i le 7726.