O aafiaga o le koviti ua atili tuu ai tagata i se tulaga lamatia i isi gasegase pei o le suka, stroke, gasegase o le fatu ma isi ae ua lapatai mai i latou e popoto faapitoa i ia matata e iu ina umi se taimi faatoa manino lelei mai aafiaga atoa o lea tulaga.
Mo le taimi nei o le fesili ua tulai mai i finagalo o le toatele, pe ono tuuaia foi le Koviti-19 i le faatupulaia o tagata e aafia i le flu ma pe ua aafia ai ma le puipuiga o le tagata ma le mafai ona tetee atu i ia faamai?
E manatu se tasi o fomai i le emergency a le falemai i Northland, Dr Gary Payinda o nisi o vairusi lea e masani ona iai ni nai aafiaga laiti i tagata matutua, o vairusi ia ua ave ai ma taofia i falemai nisi o le atunuu.
E masalo le alii fomai e foliga ua faaleaga e le koviti le immunity o tagata.
Ua ia faailoa i le One News e tele isi aafiaga faaumiumi o le koviti e lē o mailoa tonu.
O le manatu faaalia o se tasi e tele le tomai i le tulaga lea mai le Iunivesite o Aukilani, Anna Brooks ua ia ta’ua ai o le toatele o tatou ua aafia i le vairusi o le koviti ma iai foi aafiaga i alatoto ma e le o iloa foi aafiaga o lea tulaga.
Ta’ua e Brooks e lei mae’a le galuega a le koviti o loo fai, atonu ua mae’a iai le galuega a le tagata aemaise o le tali atu iai i se tulaga faavavave peitai o le natura o ituaiga vairusi faapea e mautinoa e lei mae’a.
