O loo fautuaina pea tagata Ausetalia e lei uma le pandemic poo le faamai Koviti-19 ma ua folafola mai e le malo nisi faiga fou e talu atu ai i le faamai.
O le minisita o le soifua maloloina Mark Butler ua ia ta’ua e tatau ona faatalitalia e tagata se isi wave o le koronavairusi i le tausaga lenei ma ua ia faailoa foi pe ā ma le 160 afe nisi tagata Ausetalia o le a agavaa mo le antiviral drug ua faaigoa o le Paxlovid e amata atu i le Aso Toonai lenei.
Saunoa Butler i le vaiaso nei i Canberra o le a iai pea i le lumanai nisi wave o tagata e aafia i le koviti i le tausaga nei lava.
Fai mai le Ofisa Sili o le soifua maloloina Dr Paul Kelly i le lipoti lava lea o le taimi nei e le o iai se siitaga i le aofai o tagata aafia e pei ona vaaia i ii taimi ua tuanai peitai e alagatatau lava ona tumau pea ona faia tuipuipui o tagata uma mo puipuiga.
