E i totonu o le 24 itula lea o loo talia ai le sainia o le faatonuga o le a faamalosia ai pulega o nofoaga faanofoesea faapea tagata faigaluega e tatau ai ona faamaumau taimi ma aso e faia ai siaki o le Koviti
O lenei poloaiga fou I lalo o auaunaga faalesoifua maloloina ua faia ai I le maua i suesuega na faia I le tagata faigaluega o le Grand Millennium lea na faamaonia I le Koviti I le vaiaso talu ai e le I toe faia lava sona siaki talu mai le ogatotonu o Mati, ese mai ai le siaki na faia I le Aso Lua, aso 6 o Aperila
O tagata galulue I nofoaga faanofoesea e tatau ona faia siaki tai lua vaiaso, atoa ai ma I latou o loo galulue I tuaoi o loo faia I vaiaso taitasi, peitai I le fesiligia ai o le aso mulimuli na faia ai le siaki o lea tagata faigaluega, e le I iai ni faamaumauga
Saunoa ai le minisita o le Koviti, Chris Hipkins e tusa ma le 12,000 tagata galulue I tuaoi o loo faamauina I le lesitala, ma o loo tulimataia mai lea lesitala aso na faia ai siaki atoa ai ma aso e tatau ona toe siaki ai
Ao talia le aloaia o lea faatonuga fou, ua maea faailoa e Jacinda Ardern, o loo iai le poloaiga faaletulafono o loo aiaia ai le tatau I pulega o falefaigaluega o loo fesootai ma nofoaga faanofoesa ona faia siaki o ona tagata galulue, ma o pulega e le usitaia o le a faasala
