Na faia’ina le Silver Ferns i le la taaloga mata’ina ma le Rosa a Egelani lea ua o latou mauaina le Taini Jamison Trophy i ‘ai o le taaloga, Egelani 59 Silver Ferns 55.
O le taaloga na faia i Porirua ma e tolu taaloga o le series lea, na mālō Egelani i le ulua’i taaloga i le ‘ai e tasi ma o lea la ua toe manumālō sosoo ma ua o latou mauaina ai loa le trophy mo le ulua’i taimi talu mai le 2021.
Na ta’ua i le lipoti o le ‘au lea a Egelani e maitauina o le kuata tolu lava o a latou taaloga ma le Ferns e toe sili ai o latou ‘ai ma o le tulaga foi lea na iai i lea taaloga.
Na faailoa e le kapeteni o le Ferns, Ameliaranne Ekenasio i le Sky Sport, o le taimi atoa o le taaloga sa fai si faigata mo latou i le pasi ona o le lelei tele o le puipuiga a Egelani.
Na ia ta’ua o se taamilosaga tāua lea mo latou.
O le taaloga faai’u la o le series lea o le a faia i Invercargill i le Aso Sa ma o le faafā ai lea o taimi ua taaalo ai ‘au ia e lua i lea malae.
Puna o Faamatalaga: https://www.1news.co.nz/2024/10/03/silver-ferns-wilt-against-england-roses-again/
