Atonu o se tala fiafia mo le toatele o loo nofo mautotogi i fale, le maua mai o se lipoti i le vaiaso nei, o le a faatapulaa i le nao le tasi se siitaga e faia i le totogi o fale rent poo fale mautotogi i le tausaga i Niu Sa Uelese lava ia.
O fetuunaiga fou ia ua faalauiloa i le Palemene a le setete i le asō. O fetuunaiga ia i le tulafono, rental laws ma ua faamuta ai foi ma le aveesea faavavave o se tagata mautotogi mai se fale sa nofo ai, o lona uiga o le a manaomia tagata e ana fale poo landlords e faailoa mafuaaga tatau ma talafeagai ole a faamuta ai se lisi poo se mautotogi a se aiga.
O puipuiga o loo iai i le taimi nei e faatatau i le siitaga o le totogi o rent e le apalai i lisi ua faamautu mo le itiiti ifo i le 2 tausaga ma ua faailoa la e le malo o tulafono fou ua faailoa o le a tapunia ai ma nisi o tulaga faapea o loo iai i le tulafono i le taimi nei.
Ua faailoa foi o ia fetuunaiga o le a faigofie ai foi ona ave fagafao poo pets i fale mautotogi sei vagana ua faailoa ane e le landlord se mafuaaga tatau e lē mafai ai ona faatino lea tulaga. E iai foi le aia tatau a le tagata mautotogi e apili ai ni faaiuga mai le landlord.
Puna o Faamatalaga:https://www.9news.com.au/national/new-south-wales-rental-increases-capped-under-reforms-introduced-to-nsw-parliament/da7ef594-aa05-4707-a269-e4b2ac635e9f
