O loo faatalia le faaiuga mo le alii taalo o le NRL Dylan Walker ina ua ia ioeina ona moliaga o le faaoolima. O Walker taalo I le tulaga o le centre a le Manly Sea Eagles 26tausaga sa pueina ia Novema ile maea ai o le faaoolima ise alii sa taumafai e fesoasoani ane i lona tuafafine.

Fai mai le lipoti ale alaata 7 a Ausetalia e pei ona fetauaina, sa taumafai Walker e oso I totonu o le taavale a se tamaitai sa faapaka I fafo ane o le faleaiga o le Little Italy I Narraweena ile itu I matu o Sini.

Ioeina e Walker lona moliaga I le faamasinoga faalotoifale I Downing Center ma talosagaina e lana loia Richard Pontello SC le faamasinoga ia silasila I nisi o tulaga taua ile tuputupuae o le alii taalo pe a faia la latou faaiuga, ma o le faaoogalima na faia ao faasuaava.

Talu mai le faalavelave lea e lei toe tagofia e Walker se avamalosi I nofoaga faitele ma o loo faia foi counselling. E iai foi seisi mataupu ile 2019 na tuuaia ai foi le alii taalo ile faaoolima lava ise tasi ana uo tamaitai peitai na toe suia faamatalaga a le tamaitai ma le faamaonia ai se moliaga e le faamasinoga.