O loo mafatia le aiga o si teineititi mai Perth na uma lona ola i le faai’uga o le vaiaso, fai mai e na o le 3 tausaga le matua.
O le teineitiiti o Aliyah le igoa na faavave atu iai le taavale a le falemai ina ua aafia i se faaletonu tau le soifua maloloina ae lipotia sa fai lava ma ave ane i le falemai ona o le lē atoa o le malosi.
Fai mai sa faia nisi ona togafitiga i le falemai i le aso 28 o Iuni ae 3 aso mulimuli ane toe ave i le falemai o tamaiti i Perth mo āuga o le fulū ma faamaonia ai le aafia i le Influenza A ma taofia ai loa.
Na mae’a le lua po i le falemai ua iai se suiga, ona te’a lea i tua peitai o le taeao na sosoo ai na toe tupu ai foi se faaletonu ma faatotope ane ai i le falemai peitai na uma lona ola i le 2 aso mulimuli ane i le Aso Sa na te’a nei.
O loo faatalia le lipoti a le coroner i le mafuaaga tonu ua uma ai lona ola ae ua lipotia foi e toafā ua maliliu i le Influenza A mai Western Australia i le tausaga lava lenei.
Puna o Faamatalaga: https://7news.com.au/news/perth/loved-ones-mourn-beautiful-smart-perth-toddler-aliyah-c-15285990
