O le tausaga e 2016 na amata tuli ai le faasalaga soloatoa o Tony Eteuati i le solitulafono o le fasioti tagata faamoemoeina, ae o le aso 18 o Ianuari o le tausaga nei na maua ai i le asiasiga masani a le falepuipui o loo umia e lea pagota sikaleti maruana e tolu.

Na molia ma tula’i ai o ia i le Faamasinoga Maualuga i le Aso Gafua o le vaiaso nei ma ia ioe i le moliaga a leoleo.

E le’i mana’omia se isi tapenaga a le faamasinoga mo Tony Eteuati ae faia loa le faai’uga a le afioga i le faamasino le afioga Fepuleai Ameperosa Roma, ma tuuina atu ai le faasalaga e fā vaiaso i le falepuipui.

O se togisala ua faaopoopo i le faasalaga soloatoa o loo tuli o lea pagota.