Ua faamuta e le Ea Niu Sila lana taula’iga, climate targets ma le faamatalaga o mea e manaomia e ausia ai ia taula’iga ua lē gafatia ma lē avanoa foi.

I se pepa o faamatalaga e pei ona lipotia ua ta’ua ai ua aveese nei e le kamupani vaalele le 2030 carbon intensity reduction target ma o le a aveesea mai le latou taumafaiga faasaienisi, Science based Target initiative.

Fai mai le Ofisa Sili o le kamupani vaalele, Greg Foran o nisi o nei faaletonu tau le sapalai ma tupe faaalu e ono faatuai ai le faalauiloaina o nisi mea fou ma auaunaga fou i vaalele ma ua amata nei nisi galuega e toe faatulaga ai se isi taula’iga fou e atagia ai lu’itau o feagai ma le auaunaga.

Ua saunoa foi le ta’ita’ifono o le Ea Niu Sila, Dame Therese Walsh o le kamupani vaalele o loo maumaua’i lava e ausia lana taula’iga o le net zero carbon emission a o lei oo i le 2050.

Puna o Faamatalaga: https://www.rnz.co.nz/news/national/523578/air-new-zealand-pulls-the-plug-on-2030-climate-targets