O le tamaitai faipule o Lidia Thorpe ua faamālōlō lē tumau mai le Palemene a Ausetalia mo aso o totoe o le tausaga nei i le mae’a o sa la fesaga’iga ma le tamaitai o Pauline Hanson i le Senate i le vaiaso nei.
O faipule mai le Leipa, soofaatasi ma isi na palota uma ina ia faamālōlō lē tumau Thorpe, fai mai sa ia tau’ai pepa i totonu o le Palemene ina ua faifaitetele se mataupu sa talanoaina.
O le ta’ita’i o le malo i le Senate, Penny Wong na ia faatū le lafo e faamālōlō ai Thorpe ma pasia ai loa 46 palota i le 11.
O le faamatalaga a Wong ua mafua ona faamālōlō ona o faamatalaga lē talafeagai ma i nisi taimi, o faamatalaga fia malosi e faia i isi faipule.
E lē o iai se faamatalaga a lea tamaitai o faia e faatatau i le faai’uga ua faia ia te ia.
Na amata le mataupu e pei ona lipotia ina ua tuua’ia e le faipule o Fatima Payman ia Pauline Hanson i le faailogalanu ina ua faaauau pea ona fesiligia e Hanson le agavaa o Payman e saofa’i ai i le Palemene.
O Payman na soifua ane i Afghanistan ma maua lona sitiseni Ausetalia ina ua malaga mai i le 2003.
Sa faatū i le Senate e le Leipa i le 2022 ae faamae’a i se taimi e le’i mamao ma fai ai loa lana ia pati ua faaigoa o le Australia Voice.
Puna o Faamatalaga: https://www.9news.com.au/national/fatima-payman-blows-up-at-pauline-hanson/6ff582bd-0ef8-434f-bca3-da24ce29b6d5
