E faitau selau tagata na faatuai pe lē taunuu foi ona malaga mai i Sini mai le afiafi ananafi e oo mai i le po anapo ina ua faalēaogāina malaga aga’i mai i le malaevaalele i Sini ona o le loulouā o le tau na aafia ai.

O isi faigamalaga fai mai na ui ese ma Sini ma i’u ina poloka ai nisi pasese mai Qatar ma Fiti i Brisbane.

Na alafa’i mai Sini i le loulouā foi o le tau e ui ua vaaia le la i nisi nofoaga.

Na ta’ua e le vaaitau o timuga ua faasolo atu aga’i i le itu i Matu o le aai ma e mamafa timuga i pitonuu e pei o Avalon Beach ma Mona Vale faapea foi Gosford, WoyWoy ma Cowan.

Ua toe amata faigamalaga mai le malaevaalele i le taimi nei ae o loo iai pea isi malaga ua faalēaogāina.

Fai mai le ofisa e feagai ma faalavelave le SES, e 278 valaau mo se fesoasoani na aga’i iai mai le afiafi ananafi.

O le ‘afa o le 7 i le afiafi na mātele ina tele ai valaau i le taimi lea ua malosi i matagi malolosi ma le loulouā o le tau poo le storm, ma fai mai le vaaitau e ono toe aafia foi Sini i storms faapea i aso foi o lenei vaiaso.  

Puna o Faamatalaga: https://www.9news.com.au/national/sydney-weather-flight-delays-cancellations-severe-thunderstorms-sydney-airport-wild-storm/2037cff7-390c-46c1-88ac-24dab2a090be