Fai mai pe ā ma le 40 o loo itiiti ai le numera o tagata faigaluega i le ofisa o leoleo a le Atu Kuki ma ua lipotia o le itiiti o totogi le isi mafua’aga.
O le totogi amata o ia avanoa ua ta’ua o loo i le totogi aupito maualalo e $9.50 sene Niu Sila i le itula.
Sa saunoa le Palemia o Mark Brown i le Cook Island News, o loo tau faamautū nisi faatulagana ma e tumau pea ona avea le puipuiga o le saogalemu e ave iai le faamuamua.
Na saunoa se sooupu a leoleo i le lipoti a le leitio faavaomalo a Niu Sila, ua fai lava si faigatā o lea tulaga mo leoleo ma e to’atele ua aga’i i atunuu i fafo e pei o Niu Sila ma Ausetalia e sa’ili galuega ai.
Na ia faailoa foi o le vaitau o aso fiafia na fesoasoani ane volunteers mai le komiuniti i le galuega a leoleo aemaise i le faatonutonuina o le alatele ona o le lē lava o le aufaigaluega a malu o le malo.
Puna o Faamatalaga: https://www.rnz.co.nz/international/pacific-news/539581/cook-islands-police-struggle-to-fill-40-vacancies
