E oo atu i se aofaiga e 26 miliona tala Niu Sila o le a agai sa’o i Pasefika Health Providers poo auaunaga tau le soifua maloloina mo le pasefika ina ia fesoasoani i tagata pasefika o loo iai i tulaga faigata i le vaitau o le toe pepesi o le koviti 19 i le atunuu.
O le minisita lagolago o le soifua maloloina Aupito William Sio na folafolaina lea fesoasoani pei ona faailoa i tala mai le herald, ma o le a agai sa’o lava i le faaopoopoina o fesoasoani mo aiga pasefika o loo iai sootaga i le tulaga o loo iai nei le toe pepesi o le koviti i le atunuu.
O Aupito e pei ona silafia o le minisita foi o tagata pasefika, sa ia taua i lea lipoti ole fesoasoani tau tupe pea o se inivesi ua matua manaomia i le tali atu ile koviti aemaise lava Ile komiuniti ale pasefika.
Ole a faamautinoa ai le maua e vaega tau le soifua maloloina a le pasefika ma i latou e iai manaoga tumau, mea e manaomia, poo resources e faatino ai auaunaga taua ma siitia ai le tulaga o fesosoani mo aiga ma komiuniti.
I se taimi e lei mamao atu sa faatautaia ai se faatalanoaga a David Campbell ma councillors ole pasefika i Aukilani sa faaleo ai le taua o le tuuina o le avanoa i totino patino i le pasefika e galulue ai i o latou lava komiuniti i itu tau le puipuiga mai le faamai ma atonu o se tasi lea vaega taua o tulaga o fesoasoani faamatuu ane mai le malo aua le faafaigofieina o ia gaioiga.
