10 tui o le Koviti na faia i totonu o le aso e tasi ona o le tupe
O lea ua maua le tama na faia ona tui e sefulu i totonu o le aso e tasi mo isi tagata, ma ua faia nei ma le suesuega
Ripotia o lea ua vaai iai le matagaluega a le soifua maloloina ma e le o mama lenei mataupu
E le o mafai ona faailoa mai poo gafea o Niu Sila lea na faia ai nei tui, peitai ua upuia ai tagata na totogia lea tama i lo latou manatu faapito ma faaaoga le tagata o loo moomia se tupe e faia o latou tui
Mai tagata suesue ua faailoa e le tatau ona iai se isi vailaau faaopoopo e tuiina i le tino i totonu o le aso e tasi ona o aafiaga i le tino e mulimuli mai
Taua mai i tala a le Stuff e talitonu o lea tama e le tasi se nofoaga na alu iai e faia ai nei tui e 10 i totonu o le aso e tasi
Ua sau ai ma le valaau i tagata o loo faia, poo i latou foi e sili atu ma le tasi le tui o le Koviti na faia e saili fesoasoani i se taimi vave
O tagata o loo totogia isi tagata e faia o latou tui ona o le tetee i le tui o le Koviti, e le gata i luga o o latou faamaumauga e le’i faia lava ni tui, ae o le a aafia ai foi ma faamaumauga i le soifua maloloina agai le lumanai
