O se taunuuga manuia na oo iai le Super Saturday a Niu Sila pei ona faia faapitoa mo le tui o le Koviti
100,000 tui na tuli, peitai e 130,002 tui na faia I le Aso Toonai
O Aukilani na faia ai le 41,081 tui ma o lea ua 89% iai tagata Aukilani agavaa ua uma tui muamua
Molimau a le faatonusili o le soifua maloloina, Dr Ashley Bloomfield o matatia nei na faatutu I le Super Saturday; muamua – 4223 tagata Pasefika na agai mo tui muamua, ae 8093 na faia tui lona lua;
O se aso foi ua faamauina ai le maualuga o le fuainumera o tagata Maori na agai e faia tui, lea e silia ma le 21,000 tui na faia
Mo Aukilani I Saute lea na tele ina maua ai cases faamaonia o le Delta, o se fiafiaga tele I le pulenuu o Aukilani, Phil Goff le toatele o I latou na agai e faia tui
I le tuufaatasiga o tui I totonu o Niu Sila atoa, o lea ua 85% tagata Kiwi agavaa mo le tui ua uma tui muamua, ae 65% tagata ua uma tui e lua
Mai tagata suesue faapitoa I totonu o Niu Sila ua o latou lagolagoina le toe faia o se isi aso faapitoa faapea mo tui
