O le lipoti aupito lata mai o le Koviti-19 mai le matagaluega o le soifua mālōlōina ua faailoa ai e 3,140 tagata ua faamaonia le aafia i le faama’i i totonu o le 24 itula talu ai.
E 373 gasegase o loo taofia i maota gasegase ma le to’aono i potu tigaina. E to’a 17 isi tagata ua maliliu e iai sootaga i le faama’i, e to’a 10 le itupa o alii ma le to’afitu o tamaitai. E to’alima mai Aukilani, to’atolu mai Waikato, ta’ito’alua mai Bay of Plenty ma Hawkes Bay ma Nelson, ta’ito’atasi mai Whaganui, Canterbury ma Southern.
O le taimi nei ua oo atu i le 1,845 i latou ua maliliu e iai sootaga i le faama’i Koviti-19.
