Ua faasā e le faigāmalo a Peretania le oo atu o le alii Palesitina Amerika o Hasan Piker ma lona uncle i le atunuu ma ua afua ai le faalogoina o faaseā mai ia i latou e lagolagoina le sa’olotoga e faaleo ai finagalo, aemaise i matāupu e iai sootaga i gaioiga a Isaraelu i Gaza.
O le ofisa o Malo Aufaatasi i le United Kingdom ua latou faalēaogāina pemita faimalaga o Piker ma se tagata faasalalau ma o se loia foi o Cenk Uygur lea sa fuafua e malaga i Lonetona e saunoa ai i se festival faapisinisi e faia ai.
I se pepa o faamatalaga ua tuuina ane mai le ofisa lea o Malo Aufaatasi ua ta’ua ai le faalēaogāina o pemita o i la’ua ia ona o le māfua’aga e ono lē lelei mo tagata lautele lo la auai atu ai i le atunuu.
Ua mae’a faailoa i upega tafa’ilagi e le tagata lea o Piker le faalēaogāina o visa ma ia tuua’ia ai Isaraelu ma Peretania.
Fai mai a ia ua taotaomia e ia atunuu le sa’olotoga e faaalia ai finagalo o tagata.
O faasalalauga a Piker e masani ona faia i luga o upega tafa’ilagi e faatalanoa ai matāupu eseese e mafai ona molimauina e le silia i le 30 afe o tagata o loo taumulimuli iai ae a tuufaatasi ma le aofai o loo mulimuli foi iai i le facebook, X, Instagram ma le Twitch e silia i le 6 miliona tagata e faalogologo i polokalame a lea alii.
Puna o Faamatalaga: https://edition.cnn.com/2026/06/01/uk/hasan-piker-uk-entry-banned-intl
