Fai mai ua taofia e Iran talanoaga ma Amerika ona o le tetee i gaioiga a Isaraelu o loo faia i Lepanona lea fai mai Tehran ua oia ai le maliega na faia e taofia ai fetauiga, o lipoti ia e pei ona faailoa e le CNN e fua i faamatalaga mai le ‘aufaasalalau a le atunuu o Iran.
Fai mai le CNN ua atili nenefu le matāupu ona o loo faapea mai Trump o loo faaauau pea talanoaga i le va o atunuu e 2 i se tulaga faavavevave.
Ua faailoa foi e le CNN faamatalaga mai ia Lepanona e faapea ua latou maua faamaoniga ua lagolago e Iran se maliega a le Hezbollah i se fuafuaga na fai atu e Amerika ia taofia ai fetauiga ma Isaraelu.
Peita’i fai mai le Palemia o Isaraelu, Netanyahu o le a faaauau pea osofa’iga a lana militeli i nofoaga i le itu i Saute o Lepanona e pei ona fuafuaina.
Ua faailoa foi e le Minisita o le Puipuiga a Isaraelu e lē o iai lava se taofiga o fetauiga i Lepanona.
Puna o Faamatalaga: https://edition.cnn.com/2026/06/01/world/live-news/iran-trump-lebanon-war-news
