Ua ta’ua i lipoti i le asō i le 7News ua fuafua o le a faasaoina mai tupe a Ausetalia i lalo o le AUKUS ina ua faataatia ese fuafuaga a le malo sa iai e fausia ane ni vaamaulu faaniukilia mai Amerika, o se tulaga na faailoa ane e le minisita o puipuiga, Richard Marles.
Fai mai le lipoti ua lē taunuu lea fuafuaga ae o le a maua ane e Ausetalia vaamaulu secondhand mai ia Amerika lava, o se vaega o le latou maliega tau le puipuiga, sa faia ma Amerika ma le United Kingdom.
Fai mai le minisita o lea fuafuaga o le a faafaigofie ai le lumana’i o Ausetalia ma faaitiitia ai foi ma le tupe alu.
Fai mai le minisita o le fuafuaga lea e fai si taugatā ae e tāua tele.
O vaamaulu ia o se tasi o vaega tāua o le totino lea o le AUKUS e aofia ai Ausetalia, United Kingdom ma Amerika.
Puna o Faamatalaga: https://7news.com.au/politics/defence/richard-marles-reveals-us-submarines-aukus-savings-as-australia-opts-for-secondhand-submarines-c-22361950
