Ua faailoa le lē fiafia o tagata e aumau i Tauranga ma le Western Bay of Plenty ona o fuafuaga e faia tolls i se tasi o highway i lea faaitu, fai mai a latou ua taugata tele ma e lē talafeagai.
O loo aga’i sa’o le faaseā i le NZ Transport Agency Waka Kotahi ma le latou fuafuaga e faia totogi mo le faaaogāina o le auala, tolls i le Takitimu North Link pe a oo ina tatala i le 2028.
O loo faagasolo i le taimi nei le vaega muamua o le poloketi lea e $655 miliona lona tau.
Na saunoa ai foi le councillor o Katikati ma Waihi Beach o Rodney Joyce e tatau i le NZTA ona faaeteete e aua ne’i avea le taugata o ia auaunaga e aveese ai tagata mai le alatele.
O nisi o faaseā ua ta’ua ai ua fai o le taugata o le penisini e feoa’i ai taavale ae o lea foi o le a toe faaopoopo atu ma totogi o le alu o le taavale i luga o le alatele, ua atili mamafa ai le avega o feagai ma tagata.
Puna o Faamatalaga: https://www.rnz.co.nz/news/ldr/528838/tauranga-tolls-highway-costs-shouldn-t-burden-city-residents
