O le tamaitai mai le Black Ferns, Sarah Hirini lea ua fililfilia e avea ma kapeteni o le Hurricanes Poua ile taamilosaga ole super rugby ile itupa o tamaitai. Ua 29 tausaga o Sarah, o se sui foi o le au lakapi taitoafitu a Niu Sila lea na manumalo I le pine auro o le Olimipeka I taaloga na faia I Tokyo ise taimi e lei mamao atu.

Sa ia mauaina foi le faailoga o le Kelvin R Tremain memorial mole tagata taalo aupito lelei o le tausaga, best overall player. Fai mai a ia o se faaaloalo maualuga lenei mo ia ma o se mitamitaga e avea ma sui o le faaitu na ola ane ai aemaise o le taaalo faatasi ai ma nisi o tamaitai iloga ma talenia a Niu Sila ile taaloga lakapi.

Saunoa Sarah ile Newshub mo ia lava ia ole taalo I le Hurricanes Poua o se moemitiga ua taunuu.O le aso 6 o le masina fou o Mati ua fuafua e amata ai le taamilosaga e fetaui ai Hurricanes ma le au a Matatu ile taaloga e faia I Kalaiesetete.