Ua faailoa mai o le sooupu a le Hezbollah o Mohammed Afif ua fasiotia i se osofa’iga a Isaraelu na faia i Beirut i le aso ananafi.
Fai mai ua autausagā o avea Afif ma faufautua i le ta’ita’i sa iai talu ai o le Hezbollah o Hassan Nasrallah ma o ia foi sa avea ma tagata e fesoota’i iai mo faasalalauga a le kulupu lea talu mai le 2014.
Ua faamaonia mai e le Hezbollah lea faamatalaga ma ua faaalia o ia o se ta’ita’i iloga i tulaga tau faasalalauga.
Fai mai sa iai Afif i le ofisa autū o le Hezbollah i le taimi o le osofa’iga ma maliu ai.
E le’i iai se lapata’iga e aga’i ese mai nisi mai le nofoaga lea i le taimi na faia ai le osofa’iga ma e to’afā isi tagata na maliliu faatasi ai.
Ua faailoa foi o le Hamas le isi kulupu ua faaoo atu faamaisega i le maliu o Afif a o faaauau ai pea osofa’iga a Isaraelu.
Fai mai o le taimi nei o loo iloilo e le Hezbollah se fuafuaga na tuu ane e Amerika ma Isaraelu aga’i i le faigamalo a Lepanona peitai la e lē mailoa pe o le ā se aafiaga o le a iai i lea iloiloga ina ua maua ai le fasiotia o se tasi o o latou ta’ita’i.
Puna o Faamatalaga: https://edition.cnn.com/2024/11/17/middleeast/israel-beirut-gaza-airstrikes-intl/index.html
