O sui e toalua a le Iuni o tagata faigaluega a Samoa (Samoa’s Workers Union) lea ua talosaga le polokalame o galuega faavaitaimi (RSE Scheme) mo ni avanoa faigaluega mo i latou lea ua faamalolo mai a latou galuega.
I ripoti mai le Talamua Online na taua ai e le Ofisa Sili a le Iuni afioga ia Seveaoga Saina Tomi Setu e silia ma le to’a 2000 tagata ua leai gi galuega na oo atu i le latou ofisa mo se fesoasoani.
O le toatele o nei tagata sa galulue i pisinisi tumaoti e pei o faletlaimlao, o supamaketi, o fale gaosi oloa ae faapea le au seila ua toe foi mai i Samoa.
Taua e Seveaoga, o lona talitonuga talu ai ona o aafiaga o le koviti19 ma le tuai ai ona mautu se faigamalo fou lea ua toatele ai i latou ua faamalolo mai galuega (laid-off).
O le ala lea ua agai ai loa le Iuni e saili fesoasoani i le polokalame o galuega faavaitaimi aua o le toatele o nei tagata sa faamoemoe ai a latou aiga i le itu tau tupe.
O lea foi ua faagasolo aoaoga a le Iuni galulue soosoo tauau ai ma le Faalapotopotoga a le ILO mo le saga fa’aaupegaina o i latou nei i agavaa eseese ao tau sailia ai ni galuega.
