Ua faaaoga e le council a Rotorua le drone e asia ai ona fanua faasao I le po
I le ripoti folasia I luma o le komiti a le council ua taua o Operations and Monitoring I le aso tolu o le masina nei, na faailoa ai le faaaoga o lea foi suiga faatekonolosi e asia ai le faasao I Sanatorium lea e faapea e faigata ona asia aemaise lava I le po
Ua faamautinoa mai ai foi e le council o le faigamalaga lea a le drone e silia ma le $1700 lona tau ma e ono faaitiitia I le agai I luma aua o lea ua tele ina maea tusia le faafanua o lea nofoaga
O se faiga e talitonu le council o le a saogalemu ai ma lana aufaigaluega
O le faaaogaina o le drone o loo faataitai pe trial ma e le I iai se faaiuga mautu I le faaaoga ai pea I le agai I luma
