E iai le talitonuga e le o maua uma tagata o loo faia le amio lea o le tuu o fanau I totonu o taavale poo nisi lava o nofoaga ae agai e taaalo I le casino
48 tagata ua trespass poo ua tuuina atu iai tusi ua tapu ai I latou ma le SkyCity Casino I Aukilani ona ua maua o loo tuu fanau I totonu o taavale o loo I kapaka, faanonofo I potu o faletalimalo malo poo luga foi o le auala ae o omiomi
Sau ai le talitonuga o se tasi o tagata suesue I tala a le Newshub e le na o le pau lea, ma e talitonu e iai foi nisi o loo tuu na o fanau I fale
Ao maua ai tagata matutua ua sau foi ma ripoti o le maua o le 16 tagata e le I ausia le tausaga faatapulaa e mafai ai ona ulufale I le casino ma o le 9 tausaga le tagata aupito I itiiti na maua o taalo I taaloga fai tupe nei
Ua faaali ai e le Internal Affairs o loo faagasolo pea talanoaga ma le pulega o le casino ina ia mautinoa o loo faia foi lo latou tiute
